IL GIORNALE DEL FRIULI

Glesie de Puritât, Udin, ai 29.12.2011

Chiesa della Purità, Udine, 29.12.2011

Pre Checo Placerean al voleve che si savès che la sô Glesie, chê che lui al varès volût che e fos, no podeve trascurâ lis bisugnis dai oms. E par bisugnis dai oms nol intindeve dome chês esistenziâls e individuâls, al intindeve ancje chês de dimension sociâl, dai rapuarts di lavôr, dai rapuarts cul teritori e cu la comunitât dulà che ogni persone si realiza in forme plene. L’om al à un cuarp individuâl e un cuarp sociâl. Lis bisugnis de comunitât a jerin par lui tant impuartantis di chês de esistence di ogni om, propit parcè che ogni om al pues realizâsi dome se a cjatin sodisfazion lis bisugnis de comunitât li che al vîf. Par pre Checo la comunitât e jere il Friûl, e cussì in glesie e fûr di glesie al testemoneave une religjositât che e veve ancje une dimension politiche, parcè che no podeve sei disincarnade dal impegn politic, fat di lotis par che i furlans, la sô int, si sintissin ben te lôr tiere, e che no ur mancjàs rispiet e dignitât in chel toc di mont che il Signôr ur veve assegnât. La incarnazion de Peraule e voleve dî par lui ancje chest, e l’impegn che pre Checo al metè intes lotis autonomistis al voleve dî chest. Al fo tant concret il so impegn religjôs e sociâl intune che un biel moment de nestre storie, 45 agns fa, al fasè nassi cun altris autonomiscj un partît pal Friûl, il Moviment Friûl, si impegnà par agns inte sô azion, che e jere fate di lote politiche. Sielzi di ce bande stâ al puest des predicjis gjenerichis su lis virtûts. Nol concepive che si podès preâ dome par salvâsi la anime in chel altri mont e no ancje par vivi la vite dal mont, in forme plene, te bielece che Diu nus à dât: une tiere, une lenghe, un popul che le fevele e che al pree cun chê lenghe.

Pre Checo Placereani voleva che si sapesse che anche la sua Chiesa, quella che lui avrebbe voluto che fosse, non poteva trascurare i bisogni degli uomini. E per bisogni degli uomini non intendeva solo quelli esistenziali e individuali, intendeva anche quelli della dimensione sociale, dei rapporti di lavoro, dei rapporti con il territorio e la comunità, dove ogni persona si realizza in forma piena. L’uomo ha un corpo individuale e un corpo sociale. I bisogni della comunità erano per lui importanti quanto quelli esistenziali di ciascun uomo, proprio perché ogni uomo può realizzarsi solo se trovano soddisfazione i bisogni della propria comunità. Per pre Checo la comunità era il Friuli e così in chiesa e fuori dalla chiesa testimoniava una religiosità che aveva anche una dimensione politica, perché non poteva essere disincarnata dall’impegno politico, fatto di lotte perché i friulani, la sua gente, si sentissero bene nella loro terra, e che non fosse mancato di rispetto e di dignità nei loro confronti in quel pezzo di mondo che il Signore gli aveva assegnato. L’incarnazione della Parola aveva per lui anche questo significato, e l’impegno che pre Checo mise nelle lotte autonomiste aveva questo significato. Fu tanto concreto il suo impegno religioso e sociale che in un certo momento della nostra storia, 45 anni fa, fece nascere con altri autonomisti un partito per il Friuli, il Movimento Friuli, si impegnò per anni nella sua azione, che era fatta di lotta politica. Scegliere da che parte stare al posto di prediche generiche sulle virtù. Non concepiva che si potesse pregare solo per salvarsi l’anima nell’altro mondo e non anche per vivere la vita del mondo, in forma piena, nella bellezza che Dio ci ha dato: una terra, una lingua, un popolo che la parla e che prega adoperando quella lingua.

I predis furlans autonomiscj, che a viverin la lôr mission religjose cu la stesse passion e intensitât che a viverin il rapuart politic e culturâl cu la lôr tiere, che a àn marcade la nestre storie autonomiste, e che usgnot o ricuardìn, indreçantsi a lôr che a son tal mont de nestre sperance cristiane, dongje di pre Francesc Placerean a forin pre Luis Faidut, pre Josef Marchet, pre Pieri Londar, pre Ameli Pinçan, pre Antoni Beline, e tancj altris che no nomenìn. Ju ricuardìn ducj, improfitant che chest an a colin i inovâi des desinis o dai cuarts di secul de muart di Faidut, di Marchet, di pre Londar e di pre Placerean.

I preti friulani autonomisti, che vissero la loro missione religiosa con la stessa passione e intensità con la quale vissero il rapporto politico e culturale con la loro terra, che hanno contrassegnato la nostra storia autonomista, e che stasera ricordiamo, indirizzandoci a loro che sono nel mondo della nostra speranza cristiana, accanto a pre Francesco Placereani furono pre Luigi Faidutti, pre Giuseppe Marchetti, pre Piero Londero, pre Amelio Pinzano, pre Antonio Bellina, e tanti altri che non nominiamo. Li ricordiamo tutti, aprofittando del fatto che quest’anno cadono gli anniversari delle decine o dei quarti di secolo delle morti di Faidutti, di Marchetti, di pre Londero e di pre Placereani.

Faidut di Sant Leonart de Sclavanie, al viodeve inte sô patrie furlane une nazion, che e podeve sei une des nazions dal Imperi, se la vuere le ves vinçude l’Imperi, o une nazion indipendente, se le ves pierdude, e par cheste idee di indipendence al ve di lâ in esili, a vuere finide, stant che l’Imperi si jere disfat, e il nazionalisim talian al veve vinçût.

Faidutti, di San Leonardo di Schiavonìa, vedeva nella sua patria friulana una nazione, che poteva essere una delle nazioni dell’Impero, se la guerra l’avesse vinta l’Impero, o una nazione indipendente, se l’avesse persa, e per questa idea di indipendenza dovette andare in esilio, a guerra finita, in quanto l’Impero si dissolse e il nazionalismo italiano aveva vinto.

Pre Pieri Londar, di Glemone, penâl di Int Furlane, cun Etelredo Pascul che le dirizeve, un dai organizadôrs de Mozion dal cleri furlan, un dai probiviris dal Moviment Friûl, autôr dal prin libri par fruts di storie dal Friûl in lenghe furlane, Storie dal popul furlan.

Pre Pieri Londero, di Gemona, motore di Int Furlane, con Etelredo Pascolo che la dirigeva, uno degli organizzatori della Mozione del clero friulano, uno dei probiviri del Movimento Friuli, autore del primo libro per ragazzi di storia del Friuli in lingua friulana, Storie dal popul furlan.

L’an che al nasseve il Moviment Friûl al murive pre Josef Marchet, fondatôr cun altris autonomiscj dal prin moviment autonomist dal Friûl, cuant che daspò de vuere e tornavin a nassi lis sperancis, fondatôr dal sfuei politic e di culture Patrie dal Friûl; la sô anime furlaniste le veve passade a pre Checo Placerean, e al gnûf partît autonomist.

L’anno in cui nasceva il Movimento Friuli moriva pre Giuseppe Marchetti, fondatore con altri autonomisti del primo movimento autonomista del Friuli, quando dopo la guerra tornavano a nascere le speranze, fondatore del giornale politico e di cultura Patrie dal Friûl; la sua anima friulanista l’aveva passata a pre Checo Placereani, e al nuovo partito autonomista.

Ju preìn, par che la fede che lôr a àn vude inte resurezion cristiane e la sperance di un Friûl furlan, che al crôt tes sôs fuarcis, che al ricognòs lis sôs lidrîs, la sô identitât e la sô storie no si distudin mai in noaltris.
E tancj altris a son i amîs che cun noaltris a àn percorude la strade dal autonomisim furlan, metint in comun siums e strussiis e che, po, a un ciert moment, a àn cjapât il troi che al mene inaltrò. Ju vin ducj inte memorie, ju vodìn ancjemò tes campagnis eletorâls, tes placis cui cartei in man, o a distribuî i sfueis dal Moviment, o a bruntulâ tes assembleis di partît, che al jere simpri alc che nol leve ben. Dome di cualchi an nus à lassâts Cornelie Pupine di Cjavaç. No vin dismenteât la sô sacume di femine de Cjargne, cul so cocon, lis sôs peraulis viamentis, e ancje lis lagrimis, che a voltis a rivavin par cuinçâ la passion des peraulis.
E in chest 2011 a colin ancje i inovâi de discomparide di Etelredo Pascul, di Gino di Cjaurià e di Ardito Desio, che ju vin cjatâts dilunc la strade de politiche di chenti, che a àn cjaminât cun nô cualchi bocon di strade.

Li preghiamo, perché la fede che loro hanno avuto nella resurrezione cristiana e la speranza di un Friuli friulano, che crede nelle sue forze, che riconosce le sue radici, la sua identità e la sua storia non si spengano mai in noi. E tanti altri sono gli amici che con noi hanno percorso la strada dell’autonomismo friulano, mettendo in comune sogni e speranze che poi, a un certo punto, hanno preso il sentiero che porta da altre parti. Li abbiamo tutti nella memoria, li vediamo ancora nelle campagne elettorali, nelle piazze con i cartelli in mano, o a distribuire i volantini del Movimento, o a brontolare nelle assemblee di partito, perché c’era sempre qualcosa che non andava bene. Solo da qualche anno ci ha lasciato Cornelia Puppini di Cavazzo Carnico. Non abbiamo dimenticato la sua sagoma di donna carnica, con il suo chignon, le sue parole veementi, e anche le lacrime, che a volte arrivavano per condire la passione delle parole. E in questo 2011 cadono anche gli anniversari della scomparsa di Etelredo Pascolo, di Gino di Caporiacco e di Ardito Desio, che abbiamo trovato lungo la strada della politica di qui, che hanno percorso con noi qualche tratto di strada.

Pascul, mancjât 20 agns fa, al à tignût vîf cun pôcs mieçs e par un cuart di secul l’unic sfuei periodic in lenghe furlane par contâ te nestre lenghe e in non di Aquilee cristiane lis sperancis dal autonomisim.
Di Cjaurià, mancjât 10 agns fa, al contà la storie de emigrazion furlane cuntune vôs gnove, che e rompeve la tradizion politiche dal silenzi; al partecipà di protagonist a plui di une bataie autonomiste, te scuadre dal Moviment Friûl o di bessôl, a voltis in cunvigne e a voltis polemic, ma simpri cu la passion dai no rassegnâts.
Desio, mancjât 10 agns fa, om di sience, de inteligjenzie furlane emigrade, al fo protagonist des azions par che e nassès la universitât autonome furlane e, cuant che al coventave di dâ un segnâl e un esempli, ae fin dai agns 70, al fo ancje lui tes listis eletorâls dal moviment autonomist.
Ju preìn, cumò, dal fonts de nestre anime, che nus lassin ancjemò il savôr de lôr presince tal timp che a son stâts cun noaltris.

Pascolo, mancato 20 anni fa, ha tenuto vivo con pochi mezzi e per un quarto di secolo l’unico giornale periodico in lingua friulana per raccontare nella nostra lingua e nel nome di Aquileia cristiana le speranze dell’autonomismo. di Caporiacco, mancato 10 anni fa, raccontò la storia dell’emigrazione friulana con una voce nuova, che rompeva la tradizione politica del silenzio; partecipà da protagonista a più di una battaglia autonomista, nella squadra del Movimento Friuli o da solo, a volte unito ad altri e a volte polemico, ma sempre con la passione di chi non si rassegna. Desio, mancato 10 anni fa, uomo di scienza, dell’intelligenza friulana emigrata, fu protagonista delle azioni affinché nascesse l’università autonoma friulana e, quando era necessario un segnale o un esempio, alla fine degli anni Settanta, fu anche lui presente nelle liste elettorali del movimento autonomista. Li preghiamo, ora, dal profondo della nostra anima, che ci lascino ancora il sapore della loro presenza nel tempo che sono stati con noi.

Nol passarà un mês di vuê che i autonomiscj furlans a vivaran un altri inovâl, e a tornaran cu la lôr memorie a chel lontan 23 di Zenâr di 40 agns fa, cuant che nus lassà Fausto Schiavi, l’om che al veve fat deventâ il Moviment Friûl il partît de sperance furlane. Pocjis setemanis prin di lassânus al scriveve ai oms dal so partît: “O speri di podê tornâ prest a scombati par chestis ideis insiemi cun voaltris. Se chest no mi fos pussibil, mi fâs auguri che altris a vuelin cjapâ sù chestis ideis e cheste bandiere che jo mi soi sfuarçât di puartâ indenant fin che lis fuarcis mal àn permetût”.
Noaltris, che o vevin cjapade sù chê bandiere, o preìn l’autonomist di Pontebe che nus judi a tignîle ancjemò in man, fin che lis nestris fuarcis nus al permetaran.

Non passerà un mese da oggi che gli autonomisti friulani vivranno un altro anniversario, e torneranno con la loro memoria a quel lontano 23 gennaio di 40 anni fa, quando ci lasciò Fausto Schiavi, l’uomo che aveva fatto diventare il Movimento Friuli il partito della speranza friulana. Poche settimane prima di lasciarci scriveva agli uomini del suo partito: “Spero di poter tornare presto a combattere per queste idee insieme con voi. Se questo non mi fosse possibile, mi auguro che altri si facciano portatori di queste idee e di questa bandiera che mi sono sforzato di portare avanti fino a che le forze me lo hanno permesso.” Noi, che avevamo preso in mano quella bandiera, preghiamo l’autonomista di Pontebba che ci aiuti a tenerla ancora in mano, fino a che le nostre forze ce lo permetteranno.

E usgnot, te Messe dai inovâi, o scugnìn zontâ ae liste dai ricuarts un ricuart ancjemò fresc, che nol veve reson di sei se no tai dissens di Diu, che nus misure il timp cence dînus la ore. Al veve di sei usgnot achì, par cheste preiere dai inovâi, Bruno Sedran di Spilimberc, che nus à lassâts ai 18 di chest mês, e al è lât a incuintrâ pre Checo e chei altris pal troi plui curt. Al jere vignût ae cunvigne di presentazion dal Grant Dizionari Bilengâl ai 29 di Otubar, cul orgoi di cui che al saveve di vê contribuît ancje lui dal Mf a chê politiche de lenghe che e veve puartât tancj agns daspò a chel risultât. Noaltris o volìn crodi che Bruno, cun chei altris autonomiscj che usgnot o preìn e che o volìn sei in union mistiche cun lôr, a sein dâts dongje in assemblee intune Aquilee celeste par ricevi lis nestris preieris, e rispuindinus ae lôr maniere. Par furlan.
O preìn il Signôr che ancje Bruno Sedran al resti in cheste comunion che o vin domandade cu la preiere di cheste sere, in cheste glesie, cun chestis peraulis

E stanotte, nella Messa degli anniversari, dobbiamo aggiungere alla lista dei ricordi un ricordo ancora fresco, che non aveva ragione di essere se non nei disegni di Dio, che ci misura il tempo senza avvertirci dell’ora. Doveva essere stasera qui, per questa preghiera degli anniversari, Bruno Sedran di Spilimbergo, che ci ha lasciato il 18 di questo mese, ed è andato a incontrare pre Checo e gli altri per il sentiero più corto. Era venuto alla presentazione del Grant Dizionari Bilengâl il 29 ottobre, con l’orgoglio di chi sapeva di aver contribuito anche lui del Movimento Friuli a quella politica linguistica che aveva portato tanti anni dopo a quel risultato. Noi vogliamo credere che Bruno, assieme a quegli altri autonomisti che stasera preghiamo e con i quali vogliamo essere in unione mistica, si siano riuniti in assemblea in una Aquileia celeste per ricevere le nostre preghiere e che ci rispondano alla loro maniera. In friulano. Preghiamo il Signore che anche Bruno Sedran resti in questa comunione che abbiamo chiesto con la preghiera di questa sera, in questa chiesa, con queste parole.

(libera traduzione in italiano del direttore Alberto di Caporiacco)

Related posts:

1. giovedì 29 dicembre 2011, una messa nella Chiesa della Purità di Udine ricorderà grandi friulanisti scomparsi Il Comitât dai Garants dal Moviment Friûl al vise Stant...
2. Messa in friulano in memoria di grandi friulanisti giovedì 29 dicembre 2011 alle 17 nella Chiesa della Purità Il Comitât dai Garants dal Moviment Friûl al vise Stant...
3. Nigeria.Esplode bomba durante messa di Natale nella chiesa di Santa Teresa, nel quartiere di Madala:scarseggiano le ambulanze SB redazione.centrale@ilgiornaledelfriuli.net Una festa, in un luogo sacro, trasformata in...
4. The Blues Brothers Tribute Show convince nella parte musicale, apparendo un po’ slegato nella parte recitata Ci siamo approcciati con curiosità a The Blues Brothers Tribute...
5. domenica 11 dicembre concerto organistico di Mirko Ballico nella chiesa di Santa Caterina di Pasian di Prato Accademia Organistica Udinese 3° Festival Organistico Internazionale Friulano “Giovanni Battista...

Articoli correlati elaborati dal plugin Yet Another Related Posts.